KDE neon-ის დაყენება

KDE neon-ის შესახებ

KDE neon არის რეპოზიტორიების საწყობი, რომლის საშუალებითაც ხდება KDE საზოგადოების პროგრამული უზრუნველყოფის გავრცელება

Neon-ის გადმოწერა

Neon-ის საიტის მისამართია neon.kde.org. გადადით "Download KDE neon." განყოფილებაში. თქვენ დაგხვდებათ ოთხი იმიჯი: სამომხმარებლო, სატესტო, არასტაბილური და დეველოპერების ვერსია. დოკერის იმიჯი არ არის რეკომენდირებული ახალი მომხმარებლებისთვის.

არასტაბილური ვერსია იმათთვისაა, ვისაც არ აშინებს შესაძლო ბაგები და სურს გასინჯოს ახალი ვერსია და ახალი შესაძლებლობები მალე. სატესტო ვერსია გვთავაზობს მხოლოდ ბაგების გამოსწორებებს KDE-ს უკანასკნელი ვერსიისთვის. დეველოპერებიოს ვერსია გამოიყენება KDE-ს დეველოპერების მიერ, და წინასწარ არის დაყენებული საჭირო ბიბლიოთეკები და გარემო.

სამომხმარებლო ვერსია განკუთვნილია ზოგადი მოხმარებისთვის.

დაყენება

იმიჯის გადმოწერის მერე არსებობს ორი გზა: USB-ზე ჩაწერა KDE/ROSA Image Writer პროგრამით ან DVD დისკზე ჩაწერა. DVD დისკზე ჩასაწერად შეგიძლიათ გამოიყენოთ ნებისმიერი თქვენთვის სასურველი დისკის ჩამწერი. ჩაწერის მერე გადატვირთეთ სისტემა

Information

თუ თქვენს სისტემაში უკვა აყენია Windows 8 ან უფრო ახალი ვერსია, მოძებნეთ პუნქტი "Advanced Startup" დესკტოპზე და გადადით მენიუდან. აირჩიეთ "Use a device," და აირჩიეთ ის მოწყობილობა, რომელზეც ცაწერეთ იმიჯი წინა ნაბიჯზე.

თქვენ დაგხვდებათ Plasma desktop მისალმება KDE neon-იდან. დაჭირეთ "Install neon User" და დაელოდეთ ინსტალერის გაშვებას. მიჰყევით ინსტალერის ინსტრუქციებს სანამ მიხვალთ "Disk Setup" განყოფილებამდე. ამ ადგილას თქვენ უნდა აირჩიოთ როგორ აპირებთ დაყენებას: სრული მყარი დისკის გამოყენება, თუ არსებულ სისტემასთანე ერთად დაყენება? უფრო დეტალური პარამეტრების მითითებით შეგიძლიათ მოუთითოთ რომ გამოიყენოს უკვე არსებული home ფოლდერი და თავზე გადააწეროს დაყენებულ სისტემას. მომდევნო ვერსიებში იგეგმება სისტემის ზედ გადაწერის მექანიზმის გამარტივება.

თუ თქვენ ჯერ არ გაგიკეთებიათ სისტემის ბექაფი, ან არ ხართ დარწმუნებული რომ მზად ხართ სრულად ლინუქსზე გადასასვლელათ, მაშინ windows სისტემასთან ერთად დააყენეთ. თუ გადაწყვეტილი გაქვთ ძველი სისტემის და ფაილების სრულად წაშლა და ამ ვერსიაზე გადასვლა მაშინ აირჩიეთ მთელი დისკის გამოყენება. ამის მერე დაიწყება სისტემის დაყენება. შემდეგ გვერდზე აირჩიეთ თქვენი დროის სარტყელი და შეავსეთ მომხმარებლის ინფორმაცია. დაელოდეთ ინსტალერის მუშაობის დასრულებას.

ინსტალერის მუშაობის დასრულებამდე შეგიძლიათ გამოიყენოთ KDE და როცა სისტემა გამოიტანს შეტყობინებას რომ დაყენების პროცესი დასრულდა დაარესტარტეთ კომპიუტერი შემდეგი ნაბიჯებით: დააჭირეთ ხატულას მარცხენა ქვედა კუთხეში, შემდეგ Leave შემდეგ აირჩიეთ Reboot . თუ ყველაფერი სწორად დაყენდა მაშინ თქვენ დაინახავთ მენიუს "neon GNU/Linux," "Advanced options for neon GNU/Linux" და "System Setup." თუ სისტემა დააყენეთ windows-თან ერთად, მაშინ ეგ პუნქტიც დაგხვდებათ.

ინსტალაციის შემდეგ

დაყენების შემდეგ მოძებნეთ პროგრამების მმართველი Discover და მოძებნეთ თქვენთვის სასურველი პროგრამები. ხშირად ასეთი პროგრამები იქნება საოფისო პროგრამები და ელ ფოსტის კლიენტი. ჩვენი გიწევთ რეკომენდაციას რომ დააყენოთ ან LibreOffice (არაოფიციალური, მაგრამ სტაბილურად მომუშავე) ან Calligra (შექმნილი KDE გუნდის მიერ). ელ ფოსტის კლიენტისთვის შეგიძლიათ მოძებნოთ KMail ან Thunderbird. ფინანსური მართვისთვის შეგიძლიათ აირჩიოთ Skrooge და KMyMoney, ასევე ხელმისაწვდომია GNUCash.